Os expedientes de regulación temporal de emprego (ERTE’s) derivados do COVID supoñen unha situación momentánea de desemprego na que o traballador cobrará unha prestación asociada, aínda no caso de que non teña acumulado un mínimo de cotización.
Se a nosa empresa ten só centros de traballo na nosa Comunidade Autónoma presentará un expediente ante a Secretaría Xeral de Emprego da Consellería de Economía, Emprego e Industria da Xunta de Galicia (podes velo graficamente nos enlaces que colocamos ao final). Unha vez feito isto, debe presentalo tamén ao SEPE, no prazo de 5 días hábiles.
Unha vez feito isto, a Consellería examinará se cumpre ou non os requisitos establecidos. Se é así, concederá o ERTE. En caso de non contestar, a solicitude tense por aceptada por silencio administrativo positivo.

Unha vez a Consellería da o «ok», dende a mesma Consellería se comunica á empresa e ao SEPE. E SEPE e Consellería se coordinarán para o recoñecemento das prestacións aos traballadores.

Procedemento ERTE Xunta de Galicia
Pinchar na imaxe para ver a maior tamaño

Dito iso, cales poden ser os motivos polos que non apareces na web do SEPE aínda?

  • Pode ser porque a túa empresa teña centros só en Galicia. O SEPE só recolle na súa web información dos ERTE nos que ten competencia (podes ver información ao respecto nun dos links adicionais do final).
  • Pode ser que existan retrasos na suba da información. En conversa telefónica hai menos dunha semana co propio SEPE, confirmávannos grandes atrasos (de máis dun mes) na tramitación dos ERTE.
  • Tamén parece ser  que o retraso nos ERTE’s en Galicia poden ter que ver co desfase e o retraso da consellería de Traballo en cumprir cos chanzos de trámite correspondentes co SEPE
  • Pode que a solicitude da túa empresa estea aínda a estudo na Consellería.

Que che podemos aconsellar?

  1.  O primeiro é cerciorarte de que a túa empresa iniciou o camiño. Ponte en contacto con eles ou con algún dos sindicatos que teñan presencia na túa empresa para confirmar que teñen solicitado correctamente o ERTE, e cal é o estado de tramitación do mesmo (a empresa debía terche notificado o inicio dos trámites).
  2. Podes solicitar cita previa no SEPE, ou contactar cos servizos de emprego galegos para completar a información que a empresa poida darche.
  3. Se o teu ERTE foi xa aprobado mais o problema é que a prestación tarda en ser ingresada, debes coñecer que Galicia ofrece adiantos ás achegas do SEPE. Un anticipo de 1.500€ cun tope máximo de 750 ao mes; nas condicións que podes ver neste enderezo: https://ceei.xunta.gal/coronavirus/emprego

Información adicional na web do Ministerio de Traballo
Máis información sobre ERTE na páxina da Xunta e na da Consellería

Deja un comentario

Tu dirección de correo electrónico no será publicada. Los campos obligatorios están marcados con *

Información básica sobre protección de datos Ver más

  • Responsable Óscar Rodríguez Collazo.
  • Finalidad  Moderar los comentarios.
  • Legitimación Tu consentimiento.
  • Destinatarios  GoDaddy.
  • Derechos Acceder, rectificar y suprimir los datos.
  • Información Adicional Puedes consultar la información detallada en la Política de Privacidad.

Ir arriba